Plantun de Prouvènço

Pèr coumpara dos planto d'encò nostre

Alnus cordata & Scorzoneroides montana

Alnus cordata

Betulaceae

Noms en français : Aulne à feuilles en coeur, Aulne de Corse.

Descripcioun :
Aquesto verno es un aubre pulèu grand (pòu faire fin qu'à dès mètre d'aut) que se recounèis à si fueio lisco, lusento e en cor à la baso.

Usanço :
La verno-de-Corso es estado emplegado pèr rebousca li valoun. Aquéli fotò vènon d'en bas de Ventour, coustat à l'uba (ravin de la Cavo de Diéu).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Alnus
Famiho : Betulaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Planto de rebouscage

Liò : Ribiero
Estànci : Pancaro entresigna
Couroulougi : Pancaro entresigna
Ref. sc. : Alnus cordata (Loisel.) Duby, 1828

Moulin-de-prat(-de-mountagno)

Scorzoneroides montana

Asteraceae Compositae

Nom en français : Liondent des montagnes.

Descripcioun :
Aquéu moulin-de-prat trachis dins lis esboudèu e li graviero de gaudre d'auto mountagno. Coume tóuti li Scorzoneroides, si péu soun simple (au contro de Leontodon). Se destrìo di dous àutri que trachisson dins lis Aup qu'èi bèn mai pichot emé 0 à 1 escaumo sus la cambo entre la baso e l'enflourejado.

Usanço :
Dèu èstre manjadis mai couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Scorzoneroides
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 12 à 18 mm
Flourido : Estiéu

Sòu : Ca
Autour basso e auto : 2200 à 3000 m
Aparado : Noun
Avoust

Liò : Esboudèu - Graviero de gaudre
Estànci : Aupen
Couroulougi : Ouroufito-Sud-Éuropo
Ref. sc. : Scorzoneroides montana (Lam.) Holub, 1977 (= Leontodon montanus Lam., 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Alnus cordata & Scorzoneroides montana

ges

Coumpara Verno(-de-Corso) emé uno autro planto

Coumpara Moulin-de-prat(-de-mountagno) emé uno autro planto